Ум, карактер и личност
Имагинацијата и болеста
[Види исто така Глава 7, „Болести што започнуваат во умот”; Глава 42, „Умот и здравјето”; Глава 63, „Имагинација”.]
Имагинацијата доведува до тешки облици на заболување. – Умот мора да се контролира, затоа што тој има најмоќно влијание врз здравјето. Имагинацијата честопати залажува и кога ќе ѝ се попушти, донесува тешки облици на болест на унесреќениот. Мнозина умираат од заболување кое воглавном е имагинарно. Запознаена сум со некои кои на себе навлекле вистинско заболување од влијанието на имагинацијата. —2. Сведоштво за црквата, 523 (1870). {2УКЛ 681.1}
Умираат луѓе кои навистина можеле да оздрават. – Илјадници се болни и умираат околу нас кои инаку можеле да бидат добри и да живеат, но ги држи нивната имагинација. Тие стравуваат дека ќе им биде полошо ако работат или вежбаат, додека всушност таа промена им е потребна за да оздрават. Без ова никогаш нема да напредуваат. Тие треба да ја практикуваат моќта на волјата, издигајќи се над своите болки и слабости, да се вклучат во корисна работа, и да забораваат дека ги боли грбот, слабините, градите и главата. Запоставувањето на вежбите на целото тело или делови на телото, ќе донесе морбидна состојба. Неактивноста на било кој телесен орган ќе биде пратена со намалување на големината и силата на мускулите и ќе предизвика забавување на протокот на крв низ крвните садови.—3. Сведоштво за црквата, 76 (1872). {2УКЛ 681.2}
Имагинацијата може да управува со делови на телото. – Недостатокот од соодветна акција во човечкиот организам е тоа што донесува болест. Мислите може да контролираат други делови на телото на нивна штета. Сите органи на системот мораат хармонично да работат.—Manuscript 24, 1900. (Medical Ministry, 682). {2УКЛ 682.1}
Умирање од заболена имагинација. – Еднаш бев повикана да се видам со една млада жена со која добро се познавав. Беше болна и брзо венееше. Нејзината мајка сакаше да се молам за неа. Мајката стоеше тука плачејќи и говорејќи: „Сирото дете; таа не може да живее долго”. Го почувствував нејзиниот пулс. Се молев со неа и потоа и се обратив: „Сестро моја, кога би станала, би ја соблекла својата облека и би тргнала на својата вообичаена работа, би се изгубила сета оваа инвалидност. {2УКЛ 682.2}
„Мислиш ли дека ќе се изгуби?“ праша таа. {2УКЛ 682.3}
„Секако,“ јас одговорив. „Речиси си ги задушила животните сили преку инвалидност”. {2УКЛ 682.4}
И се обратив на нејзината мајка и ѝ реков дека нејзината ќерка би умрела од заболената имагинација ако тие не се осведочиле за нивните заблуди. Таа се воспитувала себеси на инвалидност. Но тоа е многу лошо школо. Но јас ѝ реков: „Промени го овој поредок; стани и облечи се”. Беше послушна и денеска е жива. —Letter 231, 1905. (Medical Ministry, 109). {2УКЛ 682.5}
Влијанието на болеста врз имагинацијата. – Ти си премногу сензибилна и длабоко чувствителна. Строго си совесна и твоето расудување мора да се осведочи пред да се сложиш со мислењето на другите. Ако твоето физичко здравје беше неоштетено, би станала над сѐ корисна жена. Долго беше болна, и тоа влијаело на твоите мисли така што мислите ти биле сконцентрирани на себе, а мислите се одразиле на телото.—3. Сведоштво за црквата, 74 (1872). {2УКЛ 682.6}
Надвладувањето на болната имагинација. – Дадена ми е светлина дека ако сестрата која ја спомнуваш се зацврсти и го негува својот вкус кон здравата исхрана, сите тие изливи на малодушност ќе ги снема. Таа ја негувала својата имагинација; непријателот ја искористил нејзината телесна слабост, и нејзиниот ум не е подготвен да се носи со тешкотиите на секојдневниот живот. Добра, посветена терапија на умот е тоа што ѝ е потребно, зголемување на верата, активна служба за Христа. Таа исто така треба да ги вежба своите мускули во надворешната практична работа. Физичката вежба ќе ѝ биде еден од најголемите благослови во животот. Нема потреба да биде инвалид, туку здрава жена со здрав ум, подготвена добро и благородно да ја одигра својата улога. {2УКЛ 683.1}
Сиот третман кој ќе ѝ се пружи на оваа сестра ќе биде од мала корист доколку не го изврши таа својот дел. Таа мора да ги зајакне мускулите и нервите преку физичка работа. Нема потреба да биде инвалид туку, може да изврши добра и сериозна работа. Како мнозина други, таа има заболена имагинација. Но може да надвладее и да биде здрава жена. Оваа порака сум ја упатувала на мнозина, и со најдобри резултати.—Letter 231, 1905. (Medical Ministry, 108, 109). {2УКЛ 683.2}
Да се повикува на помош волјата. – Мрзливоста е големо зло. Мажите, жените и младите, бавејќи се со себе, мислат дека се во потешка состојба отколку што навистина се. Тие ја потхрануваат својата слабост, мислат за неа, и говорат за неа, додека нивната корисност изгледа како да е при крај. Мнозина отишле во гроб додека можело и требало да живеат. Нивната имагинација била заболена. Доколку се противеа на диспозицијата да се предадат на слабостите и тие да ги совладаат, да ја повикале во помош моќта на волјата, можеле да живеат на благослов на светот со своето влијание.—The Health Reformer, July, 1868. {2УКЛ 683.3}
Ослободување од гревот и исцелувањето на болеста поврзано. – Во службата на исцелување, лекарот мора да биде соработник со Христа. Спасителот служел и на душата и на телото. Евангелието кое го учел било порака за духовниот живот и физичката обнова. Ослободувањето од гревот и исцелувањето од болестите биле заедно поврзани. Истата служба му е доверена на лекарот христијанин. Тој мора да се соедини со Христа во олеснувањето на физичките и духовните потреби на своите ближни. Тој за болниот треба да биде гласник на благодатта на милоста, донесувајќи му лек за болното тело и од грев ранетата душа.—Здравје и среќа, 111 (1905). {2УКЛ 683.4}
