Совети за животот и исхраната
Овошје, житарки и зеленчук
Дел 1 – Овошје
Благослов во свежото овошје
- Јас сум му многу благодарна на Бога што не го укинал снабдувањето со овошје кога Адам го изгубил својот дом во Едем. — Letter 157, 1900 {СЖИ 309.1}
- Господ сака и оние кои живеат во земјите во кои може да се добие свежо овошје во текот на поголемиот дел од годината, да го разберат благословот кој го имаат во него. Во колку повеќе се потпираме врз свежо овошје, онака како што е набрано од дрво, во толку ќе биде поголем благословот. — (1902) 7. Сведоштво 136 {СЖИ 309.2}
- За нас би било добро помалку да го подготвуваме, а повеќе да го јадеме овошјето во неговата природна состојба. Да ги научиме луѓето обилно да јадат грозје, јаболки, праски, крушки, јагоди и сите други видови на овошје кое може да се добие. Нека сето ова се подготви за зима со конзервирање во стакло а не во лименки. — (1902) 7. Сведоштво 134 {СЖИ 309.3}
[Овошјето е прекрасна храна, штеди многу подготвување – 546]
- За желудникот којшто слабо вари, можете да изнесете на маса разно овошје, но не многу видови за еден оброк. — (1870) 2. Сведоштво 373 {СЖИ 309.4}
- Ние посебно би го препорачале овошјето како извор на здравје. Меѓутоа, дури и овошјето не треба да се јаде по комплетен оброк од друга храна. — Manuscript 43, 1908 {СЖИ 309.5}
- Овошјето и зеленчукот коишто се вкусно подготвени ќе бидат благородни ако се со одличен квалитет и не покажуваат ни најмал знак на труење, туку е здраво и неоштетено од било која болест или труење. Повеќе отколку што можеме да замислиме, се умира од затруено овошје и зеленчук коешто ќе помине низ желудникот предизвикувајќи труење на крвта. — Letter 12, 1887 {СЖИ 309.6}
- Обично, едноставно, но богато снабдување со овошје е најдобрата храна која може да се изнесе пред оние коишто приготвуваат за Божјото дело. — Letter 103, 1896 {СЖИ 310.1}
[Овошјето и житарките се храна за оние коишто се подготвуваат за преобразување – 488, 515]
Дел кој одговара на исхраната
- Житарките, овошјето, зрнестите плодови и зеленчукот претставуваат храна којашто за нас ја одбрал нашиот Создател. Оваа храна е најздрава и со најголема хранлива вредност, тогаш кога е подготвена на наједноставен и најприроден начин. Таа дава сила, издржливост и зајакнување на умот коишто не можат да се добијат од многу сложена и надразнувачка храна. {СЖИ 310.2}
[Овошје, житарки, зеленчук со млеко и павлака – најздрава храна 487] [Зеленчукот на трпезата на Елена Вајт – Додаток 1:4,8,15]
- Во житарките, овошјето, зеленчукот и зрнестите плодови можат да се најдат сите оние важни хранливи состојки коишто ни се потребни. Ако дојдеме кај Господа во едноставен дух, Тој ќе не поучи како да подготвуваме здрава храна ослободена од штетните влијанија на месото. — Manuscript 27, 1906 {СЖИ 310.3}
[Овошјето – дел од соодветната исхрана – 483, 486, 513]
[богато снабдување во природата – овошје, зрнести плодови и житарки – 485]
[Овошјето како состојка за здрава храна – 339, 400, 403, 404, 407, 810]
Привремена овошна исхрана
- Неумереното јадење честопати е причина за болеста, и тоа што на телото му е најпотребно е да се ослободи од непотребното бреме коешто е ставено на него. Во многу случаеви на болест, најефикасен лек за болниот е да тој изостави оброк или два за да на преморените органи за варење им овозможи можност за одмор. На оние кои работат претежно со умот, големо олеснување честопати им донела овошна исхрана во период од неколку дена. Многу пати краток период на целосно воздржување од храна, проследена со умерено земање на едноставна храна, благодарение на напорите на самата природа довело до целосно оздравување. Намалувањето на храната којашто се јаде за месец или два би уверило многу страдалници дека патот на самооткажувањето е патот до здравјето. — (1905) Здравје и среќа 235 {СЖИ 310.4}
Замена за штетните намирници
- Во нашите здравствени институции потребно е да се дадат јасни упатства за умереноста. На болните е потребно да им се укаже на злото од опојните пијалаци и на благословот од потполното воздржување. Би требало да се замолат да го напуштат она што го уништило нивното здравје и сето тоа да се замени со обилно овошје. Портокали, лимони, суви сливи, праски и многу други видови на овошје можат да се набават; затоа што земјата Господова е родна ако се вложат напори. — Letter 145, 1904 {СЖИ 311.1}
- Немојте да јадете многу сол, одбегнувајте употреба на туршија и зачинети јадења, јадете овошје во изобилие и дразбите коишто бараат многу течности за време на оброкот ќе исчезнат во голема мерка. — (1905) Здравје и среќа 305 {СЖИ 311.2}
[Да го заземе местото на месото – 149, 312, 320, 492, 514, 649, 795]
[Да го заземе местото на слатките – 546]
[Не е по вкус на оние коишто навикнале на богата и многу зачинета храна – 563]
[Да го заземе местото на јадење многу каша – 490, 499]
Конзервирање и сушење
- Секаде каде што овошјето може да се негува во изобилие, би требало во изобилие да се подготвува за зима со конзервирање или сушење. Ситните плодови како што се рибизлите, јагодите, малините и капините можат лесно да се чуваат во многу места, таму каде што многу малку се употребуваат и каде што нивното одгледување е занемарено. {СЖИ 311.3}
За домашно конзервирање потребно е да се употреби, кога е тоа можно, стакло наместо лимени садови. Особено е важно овошјето коешто се конзервира да биде во добра состојба. Употребете малку шеќер и варете го овошјето само толку колку што е потребно да се одржи во добра состојба. Овошјето подготвено на таков начин претставува одлична замена на свежото овошје. {СЖИ 311.4}
Онаму каде што може да се добие по умерена цена сувото овошје, како што е суво грозјето, сливите, јаболката, крушите, праските и кајсиите, ќе се согледа дека тоа може да се употреби како главна намирница многу повеќе отколку што е тоа вообичаено. Тоа ќе им даде многу повеќе здравје и сила на сите категории работници. — (1905) Здравје и среќа 305 {СЖИ 311.5}
- Сосот од јаболка во тегли е многу здрав и вкусен. Крушите и црешите, ако можат да се добијат, приготвени на ист начин многу се корисни за зимска употреба. — Letter 195, 1905 {СЖИ 312.1}
- Ако можете да добиете јаболки, вие сте во добра положба што се однесува за овошје, доколку немате ништо друго… Јас мислам дека и не е важна толку големата разновидност на овошје, но тоа мора внимателно да се собере и во сезоната да се запази за употреба тогаш кога нема јаболки. Јаболките се над секое друго овошје како резерва којашто треба да се чува. — Letter 5, 1870 {СЖИ 312.2}
Свежо од овоштарник и градина
- Постои една друга предност од држење овошје во нашите санаториуми. На тој начин овошјето е потполно заштитено од гниење и може да се употреби, свежо обрано од дрвјата за трпеза.— Manuscript 114, 1902 {СЖИ 312.3}
- Семејствата и институциите треба да научат да направат повеќе во обработувањето и подобрувањето на земјата. Кога би ја знаеле само вредноста на производот којшто го раѓа земјата во одреден годишен период, тогаш луѓето би вложиле многу повеќе грижа и напори, во обработка на земјата. Сите би требало да се запознаат со посебната вредност на свежото овошје и зеленчук од овоштарниците и градините. Бидејќи бројот на студенти и болни се зголемува, ќе биде потребно повеќе земја. Лозјата можат да се чуваат, затоа што така може да им се овозможи на институциите да произведуваат свое грозје. Добра плантажа на портокали би била предност. — Manuscript 13, 1911 {СЖИ 312.4}
[Важноста на одгледување на овошје и зеленчук за трпеза – 519]
[Овошје и зеленчук во ист оброк – 188, 190, 722]
[Овошје во болничка исхрана – 441]
[Употреба на овошје на трпезите на помошниците – 444, 651]
[Овошје во исхраната за време на состаноците под шатори – 124, 765]
[Да се вклучи во едноставната исхрана за посетителите – 129]
[Делот од здрава, вкусна исхрана – 204, 503]
[Доматите препорачани од Елена Вајт – Додаток 1:16, 22, 23]
