Здравствените придобивки од Киноата

Сподели го ова:

Киноата е „псевдожитарка“ која сѐ повеќе е присутна на нашите трпези. Одгледувана повеќе од пет века на Андите, таа е нарекувана „златото на Инките“.

Здравствени придобивки од киноата

Киноата го снабдува човековиот организам со многу повеќе антиоксиданси од која било друга житарка што се користи во безглутенските диети. Таа е природен извор на витамин Б6 и минерали, како што се манганот (заштита од оксидативен стрес) и бакарот (нормална функција на нервниот систем).

Консумирањето киноа може да го намали ризикот од:

Кардиоваскуларни болести, дијабетес тип 2, хемороиди, запек, висок крвен притисок, рак на дебелото црево и прекумерна телесна тежина.

Што содржи киноата?

Протеини: Анализите покажуваат дека киноата е „комплетен протеин“, односно ги содржи сите есенцијални аминокиселини, што ја прави омилена кај веганите и вегетаријанците.

Растителни влакна: Содржи речиси двојно повеќе влакна од повеќето други зрнести производи, што помага во процесот на слабеење и дигестијата.

Минерали и Витамини: Богата е со магнезиум (83% од ДД), железо (43% од ДД) и рибофлавин (витамин Б2), кој помага при мигрени и главоболки. Важно е да се напомене дека не содржи глутен, ГМО, ниту додадени шеќери.

Нутритивна вредност (100g)

Енергија
349.6 kcal
Протеини
14.1 g
Влакна
7 g
Јаглехидрати
57.2 g
Масти
5.6 g
Сол
0.013 g

Минерали (% од дневна доза)

Манган
101%
Фосфор
65%
Бакар
59%
Магнезиум
53%
Железо
33%
Цинк
31%

Како да ја консумирате?

Појадок: Додадете ја во млеко, јогурт, овесни каши или смути за енергичен почеток на денот.

Ручек: Идеална е како додаток во супи, сосови, варива или тестенини.

Вечера: Комбинирајте ја со кус-кус или свежи салати за лесен вечерен оброк.

Подготовка на киноа

Киноата значително го зголемува својот волумен: од 1 шолја сирова киноа се добиваат околу 3 шолји сварена.

Чекори за подготовка:
  1. Добро измијте ја во цедилка со триење под млаз вода (за да се отстрани горчината).
  2. Користете сооднос 1:2 (една шолја киноа на две шолји вода).
  3. Додадете ја киноата во веќе зовриена вода.
  4. Варете на тивок оган 15–20 минути.

Бидете креативни: нејзиниот вкус овозможува разновидни кулинарски комбинации. Нека киноата стане дел од вашата секојдневна исхрана; дајте ѝ шанса и таа ќе ја покаже својата вредност.

Сподели го ова:

Поврзани статии