1. лекција – Евангелие пред Христовото страдање на крстот
ПРЕДЛАГАМЕ ДА ПРОЧИТАТЕ: Патријаршки и пророци, 377-382.
Недела — 27. март
1. ВО ДЕНОВИТЕ НА НАШИТЕ ПРАРОДИТЕЛИ
а. Кој факт покажува дека Авел не само што ја знаел туку и ја прифатил пораката на Евангелието? Создавање 4,4; Евреите 11,4.
б. На кој начин е чувано и пренесувано знаењето за Евангелието кога секој татко бил свештеник во своето семејство? Создавање 8,20; 12,8; 35,6.7.
Понеделник — 28. март
2. ВО ДЕНОВИТЕ НА ПАТРИЈАРСИТЕ
а. Како знаеме дека патријарсите многу добро го разбрале Евангелието? Галатјаните 3,8.16.
б. На кој начин Аврам бил праведен перед Бога? Римјаните 4,1-3; 3,20; Галатјаните 3,6.11.
в. Како грешникот може да биде праведен денес? Ефесјаните 2,8.9; Галатјаните 2,16.21; 5,6.
„Не е точно тврдењето кое често се изнесува – дека постои спротивставеност помеѓу Стариот и Новиот Завет, Божјиот закон и Христовото Евангелие, барањата за Евреите и она што се бара во христијанството. Секоја душа спасена во старозаветниот период се спасувала со вера и Христовите заслуги исто како што се спасуваме и ние денес.”
„За нас има надеж само доколку заветот на Авраам – кој во суштина е завет на благодатта – го прифатиме со вера во Исуса Христа. Евангелието што му било откриено на Авраам, преку кое тој имал надеж е истото Евангелие кое денес ни се проповеда нам и ни влева надеж. Авраам со вера го очекувал Исуса, Кој и за него и за нас е Зачетник и Свршител на нашата вера.”
Вторник — 29. март
3. МЕШАЊЕ НА НАШАТА ВЕРА СО СЛУШАЊЕТО
а. Зошто Израелците немале корист од Евангелието иако им било проповедано? Римјаните 9,30-32; Евреите 4,2. Каква поука е ова за нас?
„Сатаната прави сѐ што е во негова моќ за да го одврати умот на слушателите од вистината и да го обземе со погрешни мисли; но ако нашето срце е чисто од сѐ што ја валка душата, нашето слушање ќе биде пропратено со вера.”
б. Кои биле последиците од неверувањето на израелците во Евангелието, и каква сличност има со денешната духовна состојба? Евреите 3,18.19.
„Цели четириесет години неверството, негодувањето и духот на бунт го одвојувале стариот Израел од Хананската земја. Истите гревови го одложија и влегувањето на денешниот Изреал во небесниот Ханан. Во двата случаи Божјите ветувања не се прекршени. Неверството, љубовта кон светот, непосветеноста и слабоста меѓу оние што се сметаат за Божји народ нѐ задржаа толку години во овој свет на грев и страдања.”
в. Кој лек ни е препорачан против оваа болест? Римјаните 6,8-13; 1. Јованово 1,7.
Среда — 30. март
4. САМОПРАВЕДНОСТА ГО ОТФРЛА ХРИСТА
а. Како Израелците го покажале своето неверие на дело? Евреите 3,8-10; Псалм 78,5-11; Дела 7,53.
б. Како Евреите напразно се обиделе да стекнат праведност? И зошто тие не успеале? Римјаните 9,31.32; 10,3; Јован 15,5.
„(Евреите) биле задоволни со законска религија и затоа не можеле ниту на другите да им ја пренесуваат живата небесна вистина. Сметале дека нивната лична правда е сосема доволна и не сакале да внесуваат никаков нов елемент во својата религија. Божјата добрина кон луѓето не ја прифаќале како нешто надвор од нив самите, туку мислеле дека ја заслужуваат со своите добри дела. Верата која работи преку љубов и ја чисти душата на ниту еден начин не можела да се соедини со религијата на фарисеите, што се темелела само на обреди и човечки прописи.”
в. Кој став на апостол Павле може да ни помогне во тој поглед? Филипјаните 3,4-10.
„Да не го потценуваме Божјоото дело мислејќи само на себе. Колку што е можно помалку да се истакнуваме себеси. Да не посакуваме зло никому. Христовите следбеници мора да живеат во светлината на Неговиот славен пример и, без оглед на страдањата и напорите, мора да ја одржуваат чистотата на душата преку Христовата благодат, да се покоруваат во потполност на реформаторското учење во Неговото Евангелие, и да не го внесуваат своето ‘јас’ во делото. Вашето ‘јас’ држете го во целосна покорност на Христа, секогаш нагласувајќи го само Него и триумфот на Неговиот крст.”
„Самиот облик на побожност нема да спаси никого. Сите мора да доживеат длабоко и живо искуство. Само ова ќе ги спаси во време на невоља.”
Четврток — 31. март
5. ПОГРЕШНОСТА НА Т.Н. ЕВАНГЕЛИЕ БЕЗ ЗАКОН
а. Кои предупредувања против современите измами им ги упатува Христос на Своите следбеници? Матеј 5,17-20; 7,21-23; 15,3.7-9.
б. Како апостол Павле ја истакнува разликата меѓу непослушнните Евреи и послушноста на обратените незнабошци? Римјаните 2,13-24; 3,31; 8,1-4.7.
„Добрите вести на Евангелието не треба да се толкуваат како да им дозволуваат на луѓето и понатаму да живеат во бунт против Бога престапувајќи го Неговиот праведен и свет закон.”
Петок — 1. април
ЛИЧЕН ПРЕГЛЕД НА ПРАШАЊАТА
1. Како Евангелието било проповедано пред Авраам?
2. Што Авраам го направило праведник?
3. Зошто Евреите четириесет години талкале по пустината наместо директно да бидат доведени во Ханан?
4. Со што Евреите го замениле спасението?
5. Кои се спротивностите на современите учења кои се нудат наместо спасението?
2. лекција – Општење меѓу Небото и Земјата
ПРЕДЛАГАМЕ ДА ПРОЧИТАТЕ: Историја на откупувањето, 48-51.
Недела — 3. април
1. ОПШТЕЊЕ СО НЕБОТО ПРЕКУ ХРИСТА (ПРИМЕРИ)
а. На кој начин Христос им проповедал на „духовите во темницата“ кои се „мртви“ поради гревот (Исаија 42,7; Ефесјаните 2,1)? 1. Петрово 3,18-20; 4,6.
б. Кој бил Гласникот што продолжил да разговара со Авраам откако останатите двајца небесни гласници заминале во Содом? Создавање 18,2.13.17.32.33.
в. Кој бил „непознатиот“ со кого Јаков се борел додека не го примил потребниот благослов и сигурност дека гревовите му се простени? Создавање 32,24-30.
Понеделник — 4. април
2. ОПШТЕЊЕ СО НЕБОТО ПРЕКУ ХРИСТА (понатамошни примери)
а. Како Христос му се открил на Мојсеј? Излез 3,1-6; Евреите 11,24-27.
б. Како Христос им се открил на Исус Навин и Гедеон? Исус Навин 5,13-15; Судии 6,22-24.
в. Како лично Христос му се открил на Савле, подоцна наречен Павле? Дела, 9,1-6.
г. Како Христос ни се открива нам денес? Јован 5,39; 17,17.
Вторник — 5. април
3. ОПШТЕЊЕ СО НЕБОТО ПРЕКУ СВЕТИОТ ДУХ
а. Кои докази очигледно покажуваат дека Бог комуницирал со Своите слуги со посредство на Светиот Дух? Дела 13,2; 15,28; 16,7; 21,4.
б. Раскажи ја визијата во која апостол Петар го видел големото платно полно со четириножни животни. Кој му рекол на Петар што треба да направи во таа прилика? Дела 10,11-15.19.28; 11,7-12.
в. Преку кого Бог ги давал откровенијата на своите слуги-пророците? Евреите 1,1; 2 Петрово 1,21.
г. Што е битно за да имаме делотворно разбирање на Божјата Реч? 1 Коринтјаните 14,15; Изреки 1,23.
„Христос го примаме преку Божјата Реч, а Светиот Дух е даден таа Реч да ни ја објасни за да можеме да ја сфатиме; Тој треба да ги убеди нашите срца во нејзината вистинитост. Неопходно е секојдневно, додека ја читаме Неговата Реч, да се молиме Бог да ни го прати Светиот Дух кој ќе ни ја открие вистината за таа да ја засили нашата душа и да ги задоволи нејзините секојдневни потреби.”
„Зборовите на вдахновението како непрестан извор од реката на животот ќе го напојуваат срцето кое со задоволство ги прифаќа и размислува за нив. Нашиот Спасител се молел умот на учениците да биде отворен за разбирање на Светите Списи. И секогаш кога Библијата ја проучуваме со молитва во срцето, Светиот Дух се приближува за да ни го открие значењето на зборовите што ги читаме.”
Среда — 6. април
4. ОПШТЕЊЕ СО НЕБОТО ПРЕКУ АНГЕЛИТЕ
а. Наведи примери каде небесните ангели комуницираат со човечки суштества.
- Во Стариот завет: Создавање 16,7-11; 19,1; 1 Царевите 19,5-7.
- Во Новиот завет: Лука 1,11-13.28-30; Матеј 28,5; Дела 12,7-11.
„Кога Божјото провидение го разгледуваме во светлината на вечноста, дури тогаш ќе сфатиме што им должиме на Божјите ангели за нивната грижа и посредување. Небесните битија земале активно учество во човечките дејности. Се појавувале во облека која блескала како молња; доаѓале како луѓе, како патници. Го прифаќале гостопримството во човечките домови; служеле како водачи на патниците кои ноќта ги стигнала на пат. Тие ја попречувале намерата на грабнувачот и го изместувале ударот на уништувачот.
„Иако владетелите на овој свет не знаат за тоа, сепак ангелите често говореле во нивните собори. Луѓето ги гледале. Човечки уши ги слушале нивните говори. Во двораните и судниците небесните гласници ги застапувале прогонетите и угнетуваните. Тие ги рушеле намерите и ги сопирале злата кои можеле да донесат штета и страдања на Божјите деца.”
б. Што кажува Библијата за службата на Божјите ангели? Евреите 1,13.14; 13,2.
Четврток — 7. април
5. ОПШТЕЊЕ СО НЕБОТО ПРЕКУ СВЕТИЊАТА
а. На кој начин Бог честопати Својата воља ја откривал преку Урим (што значи „светлина“) и Тумим (што значи „совршенство“)? Излез 28,30; Второзаконие 33,8.
б. Каде, како и кога честопати можело да се чуе како Бог му зборува на првосвештеникот? Излез 25,22; 29,42.43; Левитска 1,1; Броеви 12,5.
Петок — 8. април
ЛИЧЕН ПРЕГЛЕД НА ПРАШАЊАТА
1. Наведи примери како Бог разговарал со патријарсите.
2. Наведи примери како Бог разговарал со пророците.
3. Кој е најчестиот начин да се „слушне“ Божјиот глас?
4. Каква улога имаат ангелите при нашата комуникација со Бога?
5. Како Бог во Стариот завет општел со Својот народ преку Светилиштето?
3. лекција – Божјото присуство меѓу Неговиот народ
ПРЕДЛАГАМЕ ДА ПРОЧИТАТЕ: Копнежот на вековите, 11.12.
Недела — 10. април
1. ОДРЕДЕНОТО МЕСТО НА ШАТОРОТ ЗА СОСТАНОК
а. Скинијата, опкружена со затворен простор наречен „трем“ била изградена во средината на таборот. Броеви 2,17. Зошто „во средината“? Каде Бог го покажувал Своето присуство за време на изреалското патување? Левитска 26,12; Второзаконие 23,14.
б. Каде се покажува Божјото присуство денес? Матеј 18,20; Ефесјаните 2,20-22.
„Христос е секогаш онаму каде што со искрено срце се слуша Неговата реч. Тој нѐ само што е присутен на црковните собири, туку секогаш се наоѓа таму каде што во Негово име се состануваат учениците, без разлика колку е мал нивниот број.” — Копнежот на вековите, 430.
Понеделник — 11. април
2. УСЛОВИ ЗА БОЖЈИТЕ ВЕТУВАЊА
а. Бог во минатото ветил дека ќе биде со Својот народ – под кој услов? Излез 19,5.6; 2. Летописи 15,2.
„Ние не знаеме колку големи интереси се во прашање кога Бог нѐ проверува. Единствена вистинска сигурност е целосна послушност кон Божјата Реч. Сите Негови ветувања се дадени под услов на вера и послушност; а ако пропуштиме да ги исполнуваме Неговите заповеди, го оневозможуваме исполнувањето на сите обилни благослови наведени во Светите списи. Не смееме да се водиме според чувствата, ниту да се потпираме врз мислењето на луѓето. Пред очи постојано треба да ни биде Божјата откриена воља и да живееме според јасните упатства на Неговите заповеди, без оглед на околностите во кои се наоѓаме. Не треба да се грижиме за последиците, бидејќи за тоа се грижи Бог. Со вера во Неговата Реч, во деновите на искушенија можеме пред луѓето и ангелите да покажеме дека Бог и во тешките животни околности може да ни го довери исполнувањето на Својата божествена воља, дека и во тие моменти ќе го величаме Неговото име и ќе бидеме на благослов на Неговиот народ.” — Исто, 656.
б. Под кои услови Христовото ветување во Матеј 28,20 има своја примена и денес? 2 Коринтјаните 6,16-18.
„Божјите ветувања секогаш се условени. За да ни го подари Својот благослов, мора и ние да придонесуваме. Не можеме да чекаме сите Негови благослови да ни дојдат природно, доколку седиме со скрстени раце и не правиме ништо. Ние треба да соработуваме со Бога. Наша привилегија и должност е да се залагаме за душите на кои им се заканува пропаст.” — Петровиот совет до родителите, 25.
Вторник — 12. април
3. СТОЛБ ОД ОБЛАК И СТОЛБ ОД ОГАН
а. Со што Бог ја покажувал Својата присутност меѓу Израелците за време на нивното патување низ пустината? Излез 13,21.22.
„‘А Господ одеше пред нив, дење во столб од облак, а ноќе во вид на огнен столб, за да им свети; така тие можеа да одат и дење и ноќе’ (Излез 13,21). Псалмистот вели: ‘Тој им простре облак како покрив и оган, за да им свети ноќе’ (Псалм 105,39; види и 1 Коринтјаните 10,1.2). Знамено на нивниот невидлив Водач секогаш било со нив. Дење облакот им бил патоказ или над нив се простирал како заштитна покривка; ги штител од сончевата горештина, а со Својата сенка, свежина и влажност пријатно ги освежувал и им го олеснувал патувањето низ жешката и безводна пустина. Ноќе тој облак се претворал во огнен столб кој им го осветлувал логорот и бил постојан доказ за Божјото присуство.” — Патријарси и пророци, 284.
б. Како тој столб од облак и оган на ист начин ќе биде заштита за Божјиот народ во последните денови? Исаија 4,5.6.
в. Како Христос разговарал со Своите слуги пред да биде изграден шаторот за состанок? Наведи примери. Излез 15,22-26; 19,9.16.
Среда — 13. април
4. СВЕТЛИНА ГО ОСВЕТЛУВА НАШИОТ ПАТ
а. Во која смисла столбот од облак и оган оди пред нас и денес? Јован 8,12; 2 Коринтјаните 4,3-6.
б. Зошто нема да имаме изговор ако ја пропуштиме можноста за спасение? Јован 1,4.5.10-12.
в. Како можеме да живееме во светлината на Божјото присуство? Евреите 10,16-22.
Четврток — 14. април
5. БОЖЈИОТ ГЛАС
а. Кое предупредување небесниот Отец го дал на Израелците за нивно добро? Излез 23,20-22. Кој всушност бил Ангелот што Тој го пратил да оди перед нив? 1 Коринтјаните 10,4.9.
б. Како Бог ни говори нам денес? Исаија 30,21. Како „увото“ на нашата просветлена совест може да го слушне Неговиот глас? Јован 16,13; Откровение 3,20; Евреите 3,7.8.
„Илјадници и милиони човечки битија сега конечно се одлучуваат за вечен живот или вечна смрт.” — ВИ Свед. 406. ориг.
„Малкумина се оние кои со цело срце и душа веруваат дека постои втора смрт што треба да ја избегнеме и вечен живот кој треба да го задобиеме.” — Копнежот на вековите, 613.
Петок — 15. април
ЛИЧЕН ПРЕГЛЕД НА ПРАШАЊАТА
1. Каде и преку кого Отецот и Синот и денес престојуваат на Земјата?
2. Под кој услов Христос може да престојува во нас?
3. На кој начин Христос станал видлив за синовите Израилови во пустината?
4. На кој начин Бог е столб од облак и оган и за нас денес?
5. Дали навистина веруваш дека постои „вечен живот кој треба да се задобие и втора смрт што треба да се избегне“?
4. лекција – Отпаднато свештенство
ПРЕДЛАГАМЕ ДА ПРОЧИТАТЕ: Патријарси и пророци, 609-615.
Недела — 17. април
1. СИНОВИТЕ ИЗРАЕЛОВИ ВО ВЕТЕНАТА ЗЕМЈА
а. Каде Изреалците привремено го поставиле своето седиште, со шаторот, откако ја преминале реката Јордан? Исус Навин 4,19; 5,10; 10,6.
б. Каде Изреалците го поставиле шаторот за состанок кога се населиле во ветената земја? Исус Навин 18,1.
Понеделник — 18. април
2. АНАРХИЧНА СОСТОЈБА
а. Опиши го отпадништвото на Израел, кое почнало во свештенството кон крајот на периодот на судиите? 1 Самоилова 2,12.17.22. Како влијаел благиот укор на првосвештеникот врз неговите синови? 1 Самоилова 2,23-25.
На црниот список злосторства овие отпаднати свештеници додале и разузданост и неморал; и покрај тоа што со својот грев и со своето присуство ја сквернавеле Господовата скинија, дрско излегувале и во присуството на светиот Бог. Гледајќи ја ваквата изопаченост на свештенството, Израелците заклучиле дека подобро ќе биде нивните семејства да не го посетуваат местото одредено за богослужба. Многумина од Силом заминувале вознемирени и гневни, сѐ додека конечно не одлучиле самите да принесуваат жртви, мислејќи дека тоа е поприфатливо за Бога отколку да им се придава значај на гнасотиите што се вршеле во светињата.” — Знаците на времето, 1. декември, 1881.
б. Каква порака му пратил Бог на свештеникот? 1 Самоилова 2,27-29.34.35. Како била примена оваа порака?
Вторник — 19. април
3. ИЛИЈА БИЛ СМЕТАН ЗА ОДГОВОРЕН
а. Преку кого и како Бог го опоменал Илија вториот пат? 1 Самоилова 3,2-18.
б. Опиши ја разликата меѓу Илија и Авраам која се однесува на родителските должности. 1 Самоилова 2,30; Создавање 18,19.
„Колку е само впечатлива разликата меѓу случаите на Илија и Авраам! Примерот на првиот е запишан во Библијата за родителите да го одбегнат ваквиот пат; а примерот на вториот е запишан за тие да се угледуваат на него. Карактеристиките и на едниот и на другиот се одразиле не само во нивните животи, туку и на идните поколенија на нивните деца и внуци. Влијанието што го имаме во сопственото семејство е она што ја покажува вистинитоста на нашето верско искуство.” — РХ, 4. мај, 1886.
Среда — 20. април
4. ПОУКА ЗА НАС ДЕНЕС
а. Како ќе постапува мудриот татко ако навистина ги сака своите деца? Изреки 3,11.12; 22.15. Како младите докажуваат дека се мудри или неразумни? Изреки 10,1.8; 13,1; 15,5.20
„Оние кои немаат доволно храброст да ја осудат неправдата или оние кои заради својата рамнодушност и недостаток на интерес не прават сериозни напори да го прочистат семејството или Божјата црква, ќе бидат одговорни за сите зла што можат да произлезат од нивното занемарување на должноста. За злото што сме можеле да го спречиме со родителскиот или свештеничкиот авторитет одговорни сме како самите да сме го направиле.” — Исто, 613.
б. Како Библијата ја нагласува важноста на поправање на заблудените? Евреите 12,5-8. Како можеме да им помогнеме на оние што се духовно осакатени? Евреите 12,13; Галатјаните 6,1.
„Постапувајте внимателно и со почит дури и кон вашите најогорчени непријатели, кои ве жалостат секогаш кога ќе им се укаже можност.” — РХ, 16. декември, 1884.
Четврток — 21. април
5. ИЗРАЕЛ ПОРАЗЕН, А КОВЧЕГОТ ЗАРОБЕН
а. Што направиле Израелците по поразот од Филистејците? 1 Самоилова 4,1-4; Каков бил исходот? 1 Самоилова 4,10.11; 5,1.2.
„Израелците ги снашла најголема несреќа што можела да се случи. Божјиот ковчег на заветот бил заробен и се наоѓал во рацете на непријателот. Славата навистина го напуштила Израел кога симболот на Јеховиното присуство и моќта исчезнал од нивната средина.” — Патријарси и пророци, 619.
б. Како реагирале првосвештеникот Илија и жителите на Силом кога гласник ја донел жалната вест? 1 Самоилова 4,12-18.
в. Како и кога овој страшен настан повторно им бил предочен на Израелците, и со која цел? Псалм 78,56-61; Еремија 7,12.14.
Петок — 22. април
ЛИЧЕН ПРЕГЛЕД НА ПРАШАЊАТА
1. Каде Израелците го поставиле своето прво средиште во ветената земја, и каде подоцна го сместиле светилиштето?
2. Опиши ја духовната состојба на Израел во деновите на првосвештеникот Илија?
3. Зошто Бог првосвештеникот го сметал за одговорен?
4. Како Библијата ја истакнува разликата меѓу исправното и погрешното воспитување на децата?
5. На што Бог сакал да го поучи Својот народ преку трагичните настани во Силом?
5. лекција – Симболот на Божјото присуство се враќа во Израел
ПРЕДЛАГАМЕ ДА ПРОЧИТАТЕ: Патријарси и пророци, 621-626.
Недела — 24. април
1. ФИЛИСТЕЈЦИТЕ ГО ВРАЌААТ КОВЧЕГОТ
а. Што одлучиле да направат Филистејците кога согледале дека го навредиле Бога со грабнувањето на ковчегот на заветот – симбол на Неговото присуство? 1 Самоилова 6,1-3.
б. Како ковчегот се вратил кај Израелците? 1 Самоилова 6,7-9.14.15.
в. Зошто казната заради непочитувањето на симболот на Божјото присуство била поголема за Израелците отколку за Филистејците? 1 Самоилова 6,19.20; Јаков 4,17.
Понеделник — 25. април
2. КОВЧЕГОТ ПРЕНЕСЕН ВО КИРИЈАТ-ЈАРИМ
а. Каде преживеаните жители на Ветсамис го испратиле ковчегот на заветот, бидејќи не се осмелувале и понатаму да го држат кај нив? 1 Самоилова 6,21. Колку долго ковчегот останал таму и што правел народот во меѓувреме? 1 Самоилова 7,1.2.
б. Што Самоил – како првосвештеникот, пророк и судија – му наредил на народот да направи како прв чекор за излез од тешката ситуација предизвикана од отпадништвото? 1 Самоилова 7,3. Каква поука е тоа за нас денес?
„За Бог да ја прифати нашата служба мораме ‘наново да се родиме’ (Јован 3,7). Мораме да ги потисмеме сите природни склоности што се во спротивност со Божјиот Дух. Мора да станеме нови луѓе и жени во Исуса Христа. Нашиот стар непрепороден живот мора да го замениме со нов живот – живот полн со љубов, доверба и радосна послушност… Без вакви промени не можеме правилно да Му служиме на Бога. Нашите залагања ќе бидат нецелосни; во нашите напори ќе внесуваме земни планови – туѓ оган, кој претставува обесчестување и навреда за Бога. Нашиот живот ќе биде несвет и несреќен, исполнет со немири и грижи.
„Промената на срцето што симболично е прикажана со ново раѓање може да се оствари само со делотворното влијание на Светиот Дух. Само на тој начин срцето може да се очисти од секоја дамка на гревот. Ако Му дозволиме да го обликува нашиот карактер, ќе бидеме во состојба да го препознаеме и цениме каракетрот на Божјото царство и да ја сфатиме неопходноста од промени кои мора да дојдат за да можеме да влеземе во тоа царство. Гордоста и самољубието се спротивставуваат на Божјиот Дух; сите природни склоности се противат на секој обид вообразеноста и гордоста да се заменат со Христовота кротост и понизност. Но за да истраеме на патот кој води во вечен живот, не смееме да ги слушаме дошепнувањата на нашето ‘јас’.”
Вторник — 26. април
3. КОВЧЕГОТ НА ЗАВЕТОТ НА ПАТ КОН ЕРУСАЛИМ
а. Што одлучил да направи Давид со ковчегот откако се зацврстил на израелскиот престол? 1. Летописи 13,1-6.
„Народот ги прател со восклик и радосни песни; мноштво гласови се соединувале со звуците од музичките инструменти. ‘А Давид и сите синови Израелови свиреа пред Господ на различни свирки од кипарисово дрво, на гусли, на псалтири, на тимпани, на цитри и на кимвали’ (2 Самоилова 6,5). Таква радосна сцена Израел одамна не видел. Преку ритчињата и долините долга радосна поворка со света радост се движела кон светиот град.”
б. Што се случило по патот додека Давид и израелскиот народ го пренесувале Божјиот ковчег? 2 Самоилова 6,5-10.
„Судбината на Уза претставувала Божја казна за прекршок на изричната заповед. Бог преку Мојсеј дал посебни упатства за пренесување на ковчегот на заветот. Само на свештениците, потомците на Арон, им било дозволено да го допрат ковчегот или да го видат кога бил откриен. Божјата заповед гласела: ‘Тогаш Катовите синови да влезат и да носат; но тие не смеат да се допираат до светите работи, за да не загинат… Според тоа, изнесувајќи го ковчегот од Кирјат-Јарим, Израелците директно и неопростиво се огрешиле против Господовите упатства.”
Среда — 27. април
4. КОВЧЕГОТ ВО ДОМОТ НА ОВИД – ЕДОМ
а. Додека ковчегот престојувал во куќата на Гетчанецот Аведар и додека Давид имал време да го испита своето срце, зошто вниманието на Израел било насочено кон Овид – Едом и неговото домаќинство? 2 Самоилова 6,11.12 (прв дел).
„Божествената опомена дејствувала врз срцето на Давид. Како никогаш порано, тој ја сфатил светоста на Божјиот закон и потребата од строга послушност. Милоста покажана кон домот на Овид – Едом му ја вратиле на Давид надежта дека ковчегот на заветот ќе му донесе благослов и нему и на неговиот народ.”
б. Што треба да научиме од благословот што го прател Овид-Едом и неговиот дом? Псалм 140,13.
в. Каде бил донесен ковчегот по три месеци? 2 Самоилова 6,12.17; 1 Летописи 15,1-3.
Четврток — 28. април
5. КОВЧЕГОТ ДОНЕСЕН ВО ЕРУСАЛИМ
а. Кога поворката која го пратела ковчегот се наближила кон престолнината, која песна одекнала од стотици гласови? Псалм 24,7-10.
б. Каков ефект врз израелскиот народ имало донесувањето на ковчегот во Ерусалим? 1 Летописи 16,7.30-36.
в. Според Божјиот план, со какво „оружје“ Израелците требало да ги покорат околните народи? Второзаконие 1,30; 3,21.22; 2 Летописи 20,21.22.
Петок — 29. април
ЛИЧЕН ПРЕГЛЕД НА ПРАШАЊАТА
1. Зошто Филистејците одлучиле да го вратат Божјиот ковчег на Израел?
2. Каква разлика направил Бог меѓу Евреите и незнабошците кога ги казнувал затоа што го сквернавеле ковчегот? Зошто?
3. Под кој услов Бог можел да го штити Израел од неговите непријатели?
4. Каков дочек бил организиран при пристигнувањето на ковчегот во Ерусалим?
5. Кое било најсилното „оружје“ со кое Израел требало да доминира со другите народи? Што отсекогаш било поважно од мечот?
6. лекција – Трпеливост кон оние што се сомневаат, но се искрени
ПРЕДЛАГАМЕ ДА ПРОЧИТАТЕ: Патријарси и пророци, 81-85.
Недела — 1. мај
1. МОРАЛНАТА СОСТОЈБА НА ЧОВЕЧКАТА ПРИРОДА
а. Во чии раце Адам го предал владеењето со овој свет? Лука 4,5.6; Јован 16,11; 1 Јованово 5,18.19. Чиј дух ги контролира оние што живеат во грев? Ефесјаните 2,1-3.
б. Со која мисла се тешат оние што намерно грешат? Малах. 3,14.15; Проповедник 8,11.
Понеделник — 2. мај
2. СЕКОЈДНЕВНО ИСКУШЕНИЕ
а. Како се искушувал псалмистот набљудувајќи го привидниот напредок на безбожинците? Псалм 73,2-13. Каква борба настанува во мислите на оние кои доаѓаат во искушение да застранат од Бога?
б. Кога, каде и како псалмистот го видел крајот на оние што се бојат од Бога, спротивно на оние што не се бојат од Него? Псалм 73,16.17.
в. Како тој во службата во светилиштето го согледал крајот на безбожниците? Псалм 73,18.19.27; 75,8; 76,12. Како ја видел исто така и милостивата Божја рака испружена кон грешниците што се каат? Псалм 77,7-9.15.
Вторник — 3. мај
3. ПРИЗНАНИЕТО НА ПСАЛМИСТОТ
а. Кое признание го искажал псалмистот кога најпосле му се отвориле очите? Псалм 73,21-26.28.
б. Откако псалмистот се покајал и признал, каков апел произлегол од неговото срце додека бил во светилиштето? Псалм 74,3.4.7-10.
в. Што мораме да сфатиме за да го избегнеме честото искушување да им завидуваме на неправедните на нивното минливо богатство? Псалм 77,1-3.
„Судирот меѓу доброто и злото денес не е помалку жесток отколку во деновите на Спасителот… Потребно е без колебање да го ‘извадиме’ десното око или да ја ‘пресечеме’ десната рака доколку нѐ соблазнуваат… Наградата на вечен живот е непроценлива.” — Порака до младите, 56.
„Божјиот закон го осудува секој престапник. Тој може да го презре тој глас, и да ја заглуши неговата опомена, но залудно. Тој го следи. И го нарушува неговиот мир… Како пламен што не се гаси, на крајот ги голта и душата и телото.” — Воспитување, 144.145.
Среда — 4. мај
4. ГЛАВНА ГРИЖА
а. По враќањето кај Бога со признавање и каење, која била главната грижа на псалмистот? Псалм 74,18-23; 79,1. Што ја открива милостивата природа на Божјата правда во корист на Неговиот деца?
б. Како псалмистот, со поглед упатен кон светилиштето (Псалм 76,2; 77,13), молел за милост и помош – и зошто и ние треба да ги имаме истите чувства? Псалм 79,8-10; 80,1.3.
„Меѓу нас има многумина кои ја исповедаат вистината, но не дозволуваат да бидат распнати со Христа… Целиот Негов живот на светот бил бескрајна низа страдање и самоодречување… Тој не копнеел за удобности и лични задоволства; живеел за да прави добро, да ги спасува другите од срам, страдања и пропаст.” — Исто.
„Ние сигурно ќе се издигнеме, освен ако сатаната нашиот ум од размислување за духовното и вечното не го пренасочи на земното и минливото. Бог сака да ви подари благодат и сила секогаш кога ви се потребни, доколку побарате со искрено срце.” — Исто, 3. февруари, 1888.
Четврток — 5. мај
5. ЕДИНСТВЕНА НАДЕЖ ЗА ПАДНАТОТО ЧОВЕШТВО
а. Зошто треба да ја имаме истата грижа како псалмистот, кој бил збунет и сомнежлив? Псалм 119,53.126; Проповедник 12,14.
б. Што треба да правиме кога нашите молитви ги испраќаме кај Оној Кој од Неговиот престол во светилиштето гледа кон нас, како што е опишано во Псалм 102,19.20? Откровение 3,20; Евреите 12,25. Што се случува ако го затврднеме нашето срце против влијанието на Светиот Дух?
в. Која поука треба да ја извлечем од борбата на апостол Павле против злото? 1 Коринтјаните 9,24-27.
Петок — 6. мај
ЛИЧЕН ПРЕГЛЕД НА ПРАШАЊАТА
1. Кои се двете единствени опции меѓу кои секој треба да ја бира својата судбина?
2. Кои помисли го довеле псалмистот на работ на пропаста?
3. Кога и каде тој ја согледал својата заблуда? Кое признание го дал тогаш?
4. Што најмногу го загрижувало псалмистот откако се покајал? Зошто и ние треба да ја имаме истата грижа?
5. Како апостол Павле ја опишува својата борба против гревот? Која е единствената надеж за паднатиот човечки род?
7. лекција – Храмот – предмет на поука
ПРЕДЛАГАМЕ ДА ПРОЧИТАТЕ: Пророци и цареви, 26-31.
Недела — 8. мај
1. БЛАГОРОДНАТА ЖЕЛБА НА ЦАРОТ ДАВИД
а. За што царот Давид најмногу размислувал, додека го посматрал својот величествен дворец? 2 Самоилова 7,2.
б. Каква порака Бог му испратил на царот Давид? 1 Летописи 22,8-10; 28,5.6. Во која смисла на Давид му била дадена привилегија да придонесе за изградбата на храмот?
Понеделник — 9. мај
2. МУДРИ ПЛАНОВИ ЗА ИЗГРАДБА
a. Какво место било избрано за изградба на храмот? 2 Летописи 3,1 (спореди со Излез 22,2;); Исаија 8,18; 28,16.
б. Каква помош царот Соломон добивал од Хирам, царот на Тир? 1 Царевите 5,1-9.
в. Колку луѓе приближно биле вклучени во изградбата на храмот? 1. Царевите 5,15.16. Колку време било потребно да се заврши работата? 1 Царевите 6,1.38.
г. Како и каде камењата биле подготвувани за изградба на храмот? 1 Царевите 6,7. Каква поука треба да научиме од фактот дека Божјиот Дом е изграден со најголема почит?
Вторник — 10. мај
3. ПОУКА ЗА СТРАВОПОЧИТ
а. Опиши ја накратко Соломоновата молитва при посветувањето на храмот. 2 Летописи 6,21-23. Што може единствено да се каже за небесниот Бог?
б. Што се случило кога Соломон ја завршил својата молитва? 2 Летописи 7,1-3.
в. Какво стравопочитување и ние треба да покажеме во присуство на Бога? Авакум 2,20 (спореди со Создавање 28,16.17; Матеј 18,20). Чии примери треба сериозно да ги земеме во предвид? Излез 3,4.5; Исус Навин 5,13-15.
Среда — 11. мај
4. ХРИСТОС ВО ХРАМОТ
a. Кој претставува камен-темелник во градбата на храмот? Псалм 118,22; Исаија 28,16; Матеј 21,42.
б. Светот копнее за мир и безбедност (1 Солунјаните 5,3). Каде, единствено може да се најде мир и безбедност? Јован 14,27; Ефесјаните 2,13.14.
Четврток — 12. мај
5. ГРАДЕЊЕ НА ХРАМОТ НА КАРАКТЕРОТ
а. Бидејќи храмот бил симбол на Божјата Црква на земјата, и бидејќи ние сме повикани да учествуваме во работата на Неговиот храм, со каков материјал треба да градиме? 1 Коринтјаните 3,12; Ефесјаните 2,20-22.
б. Каде можат да се видат Божјите начини во планот на спасението? Псалм 77,13. Зошто Духот на пророштвото ја нагласува важноста на проучувањето на службата во светилиштето?
Петок — 13. мај
ЛИЧЕН ПРЕГЛЕД НА ПРАШАЊАТА
а. Која била најсрдечната желба на царот Давид? Зошто Господ не му дозволил да го спроведе планот за градба?
б. Како се нарекувала гората во Ерусалим на која е подигнат храмот, и зошто токму тоа место било избрано?
в. На кој начин градителите покажале стравопочит во својата работа?
г. Прераскажи ја Соломоновата молитва.
д. Наведете го материјалот кој ние, како градители, треба да го вградуваме во домот на Бога, во Црквата?
10. лекција – Годишни собори – Денот на помирувањето
ПРЕДЛАГАМЕ ДА ПРОЧИТАТЕ: Големата борба, 374-378.
Недела — 29. мај
1. ПРАЗНИК НА ТРУБИТЕ И СЕНИЦИ
а. Кој празник го најавувал доаѓањето на Денот на помирувањето? Левитска 23,24.25; Броеви 29,1.
б. Кој празник се одржувал по Денот на помирувањето и по завршетокот на жетвата? Левитска 23,34-36.40-43; Второзаконие 16,13-15.
„Празникот Сеница не бил само историски, туку и симболичен празник. Тој не само што потсетувал на престојот во пустината, туку како празник на жетвата и собирањето на земните плодови укажувал на последниот ден на големата жетва, кога Господарот на жетвата ќе ги прати Своите жетвари плевелот да го врзат во снопови и да го запалат, а житото да го соберат во Неговата житница.”
Понеделник — 30. мај
2. ПОТРЕБА ОД РАЗЛИКУВАЊЕ МЕЃУ ПРОСТУВАЊЕТО И БРИШЕЊЕТО НА ГРЕВОВИТЕ
a. Што се постигало преку секојдневното помирување? Излез 29,39; Левитска 4,13-20.
„Крвта, која го претставувала животот на грешникот, чија вина симболично ја презела жртвуваното животно, од страна на свештеникот била внесена во светилиштето и прскана перед завесата, зад која се наоѓал ковчегот на заветот, во кој бил сместен законот кој грешникот го прекршил. Со овој свечен чин гревот, со посредство на крвта, бил сликовито пренесен во светилиштето.”
б. Како да знаеме дека помилувањето и бришењето на гревовите се две различни нешта? Езекиел 18,24; Матеј 18,32-35.
„Нашата вистинска состојба и нашата единствена сигурност се наоѓа во покајание и исповедање на гревовите перед Бога. Чувствувајќи дека сме грешници, ние ќе имаме вера во нашиот Господ Исус Христос, Кој единствено може да ни ги прости гревовите и да ни ја припише правдата. Кога ќе дојдат времиња на освежување од присуството на Господ, тогаш гревовите на покајната душа, која ја добила Христовата благодат и ги победила преку крвта на Јагнето, ќе бидат отстранети од небесните книги и ставени на сатаната како зачетник на гревот, така што покајникот никогаш повеќе нема да се сети на нив. Гревовите на победниците ќе бидат избришани од небесниот записник, но нивните имиња ќе бидат задржани во книгата на животот.”
Вторник — 31. мај
3. ДЕНОТ НА ПОМИРУВАЊЕТО
а. Кога се случувал Денот на помирувањето за отстранување на гревовите од Светилиштето? Левитска 23,27.
б. Иако гревовите на луѓето биле простувани во секојдневното помирување, нивните гревови сé уште постоеле – акумулирајќи се во Светилиштето. Со која церемонија, извршувана еднаш во годината, нивните гревови во минатото симболично престанале да постојат? Левитска 16,16.
в. На Денот на помирувањето, кој обред се практикувал со двата јарци, кои биле донесени кај првосвештеникот за отстранување на народните гревови и од Светилиштето? Левитска 16,7-10.
г. Што првосвештеникот требало да направи перед да се помоли за народот? Левитска 16,11.
д. Каква била постапката со јарецот за гревот? Левитска 16,15-19. Кого го претставувал јарецот? Јован 19,13-15; 1 Коринтјаните 15,3.
ѓ. Откако светилиштето било очистено од нечистотијата на Израеловите синови, што направил првосвештеникот со гревовите кои само што биле отстранети ? Левитска 16,20-22.
Среда — 1. јуни
4. ЧИСТЕЊЕ НА СВЕТИЛИШТЕТО
a. На што вниманието на народот со трубење на трубите било насочувано десет дена однаперед? Броеви 29,1. Што требало сите да направат на Денот на помирувањето? Левитска 16,29.30; 23,27.32.
б. Што ќе се случи со оние кои нема да ги измачуваат своите души на тој голем ден? Левитска 23,29.30. Што ќе се случи со оние кои откако ја запознале вистината свесно продолжуваат да грешат? Евреите 10,26-31.
в. Што старозаветниот Ден на помирување симболизира? Изреки 16,6; Евреите 9,11-14.25-28.
„Во големиот ден на конечната награда, мртвите ќе станат да примат плата ‘како што е напишано во книгите, според нивните дела’ (Откровение 20,12). Тогаш, благодарение на заслугите на Христовата пролеана крв, гревовите на вистинските покајници ќе бидат избришани од небесните книги. Така, светињата ќе биде ослободена и очистена од гревот. Во земната служба тоа големо дело на измирување или на бришење на гревот било симболично претставено со обредите вршени на денот на помирувањето – со чистење на земното светилиште – на тој начин што гревовите, кои ја сквернавеле, конечно биле отстрани со помош на крвта на жртвата принесена за гревот.
„При конечното измирување гревовите на вистинските покајници ќе бидат избришани од небесните книги и на нив никогаш веќе нема да се сетат или да им дојдат на ум. Така и тогаш гревовите симболично биле однесени во пустина и засекогаш отстранети од заедницата”
Четврток — 2. јуни
5. ЖИВОТОТ ИЛИ СМРТТА ВО БАЛАНС
а. Каква сличност може да се види помеѓу жртвениот јарец (Левитска 16,21) и сатаната како што е опишан во Откровение 20,1-3?
б. Кое предупредување може да ни помогне да го избегнеме уништувањето на гревот и грешниците? Изреки 16,3; Дела 3,19. Дајте примери на лажно покајание? 2 Коринтјаните 7,10; 1 Самоилова 15,24; Матеј 27,3.4.
в. Во кого се наоѓа нашата единствена надеж? Римјаните 5,6-11.
Петок — 3. јуни
ЛИЧЕН ПРЕГЛЕД НА ПРАШАЊАТА
а. Која е смислата на Денот на помирувањето кој се случувал еднаш во годината? Кога сето тоа се случувало?
б. Која е разликата помеѓу секојдневното и годишното помирување?
в. Која е разликата помеѓу помилувањето и бришењето на гревовите?
г. Која е симболиката на двата јарци доведени перед олтарот?
д. Објасни ја споредбата меѓу судбината на јарецот за отпуштање и на сатаната?
11. лекција – Визија на пророкот Даниел
ПРЕДЛАГАМЕ ДА ПРОЧИТАТЕ: Пророци и цареви, 377-387.
Недела — 5. јуни
1. ДРЕВНИТЕ ИМПЕРИИ ВО ПРОРОШТВОТО
а. Опиши ги начелата врз основа на кои Владетелот на Универзумот делува во историјата на народите. Езекиел 21,27.28; Даниел 2,21; 4,35.
б. Што треба да научиме од точноста со која пророштвата за народите биле исполнети? Исаија 46,9.10.
„Сето она што пророштвото најавило дека ќе се случи, сѐ до денешен ден, веќе е запишано на страниците на историјата, и ние можеме да бидеме убедени дека и она што допрва треба да се случи исто така ќе се исполни.”
Понеделник — 6. јуни
2. ЧЕТИРИ ЦАРСТВА ВО НИЗА
a. Што видел Даниел во пророчка визија во третата година од царувањето на Валтазар? Даниел 8,3.4. Како ангелот Гаврил му го објаснил значењето на овенот со двата рога? Даниел 8,20.
б. Какво објаснување дал ангелот за влакнестиот козел кој го совладал овенот? Даниел 8,5-7.21.22.
в. По четирите генерали на Александар Велики кои ја поделиле грчката империја, како следната светска сила била прикажана? Даниел 8,8; 7,7.
г. За кое грозоморно злосторство оваа сурова империја е виновна? Дела 4,26.27.
д. Кое сознание може да ни донесе утеха дури и среде беззаконието кое преовладува во овој мрачен свет? Даниел 2,20-22; Дела 15,18.
„И покрај тоа што народите ги отфрлале божествените начела и затоа пропаѓале, но сепак во текот на вековите се остварувала божествената предефинирана цел.”
Вторник — 7. јуни
3. ПОДЕМОТ НА МАЛИОТ РОГ
а. Што било забележливо кај еден од десетте рогови во визијата на Даниел и што тоа значело? Даниел 7,7.8; 8,9-11.24.25.
б. Што кажува пророчкото слово, во Новиот завет, за малиот рог кога тој прераснал во верско политичка сила? 2 Солунјаните 2,3.4; Откровение 13,2-8.
в. Со кои други имиња оваа власт се спомнува во Новиот завет? Кога и како на оваа сила конечно ќе и дојде крајот? Даниел 7,11.26; Откровение 17,5.16; 18,7.16.18.20.
г. Додека пророкот го слушал разговорот меѓу двајцата ангели, кое прашање оставило длабок впечаток на неговиот ум и каков одговор слушнал? Даниел 8,12-14.
д. Во Даниел 8. поглавје, малиот рог под нозе ќе ја фрли вистината… Поради тоа, со кој голем настан во Божјиот план се совпаѓа крајот на 2300 години?
ѓ. После кој настан, и после кој временски период Библијата го сместува почетокот на истражниот суд? Даниел 7,25.26; Откровение 11,2.3.18.19.
Среда — 8. јуни
4. „ОДВРАТНОСТА НА ЗАПУСТУВАЊЕТО“
а. Какво предупредување им дал Исус на Своите први ученици за „одвратноста на запустувањето“ изречено во визијата дадена на Даниел? Матеј 24,15-20.
б. Во која смисла ова предупредување во врска со „одвратноста на запустувањето“ има своја примена и денес? Даниел 8,13; 9,26.27; 11,31; 12,11.
„Со години добивав посебно светло дека ние не треба да ја сконцентрираме нашата работа на градовите. Превирањата и конфузијата кои ги исполнуваат овие градови и условите што ги наметнуваат синдикатите и штрајковите, ќе се покажат како голема пречка за нашата работа. Луѓето ќе се обидуваат со принуда да ги доведат вработените во различни трговски здруженија, во ропство на одредени синдикати. Ова не е Божји план, туку план на власта која ниту на било кој начин не треба да ја признаеме… Образувајте ги нашите луѓе да излезат од градовите и да заминуваат на село каде ќе можат да добијат мало парче земја и да направат дом за себе и за своите деца… Наскоро ќе има такви судири и збунетост во градовите, така што оние што сакаат да ги напуштат нема да можат.”
Четврток — 9. јуни
5. НЕОДЛОЖНА ПОТРЕБА
а. Како што можеме да видиме исполнувањето на пророштвата се одвива пред наши очи, кои зборови на охрабрување треба да ги земеме на срце? Проповедник 7,8; Јуда 1,21.
„Денешното време е од големо значење за сите живи суштества. Владетели и државници, луѓе кои заземаат позиции од доверба и авторитет, мудри луѓе и жени од сите класи, го насочуваат вниманието кон настаните кои се случуваат околу нас. Тие ги проучуваат односите кои постојат меѓу народите. Така ја запазуваат силината на секој земен елемент и увидуваат дека се случува нешто големо и одлучувачко, дека светот се наоѓа на работ на неверојатна криза.”
Петок — 10. јуни
ЛИЧЕН ПРЕГЛЕД НА ПРАШАЊАТА
а. Во визијата на пророкот Даниел, кое царство било прикажано со овен со два рога?
б. Кој во дамнешната историја бил влакнестиот козел кој го совладал овенот? Кого го претставувале четирите израснати рога бидејќи на овенот големиот рог му се скршил?
в. Кого го симболизирал „малиот рог“ кој се зацврстил на територијата на еден од четирите рогови (Македонија)?
г. Кое Христово пророштво за двојното значење на „одвратноста на запустувањето“ е најавено уште преку Даниел?
д. Откако верско политичка сила претставена со „малиот рог“ ќе ја изгуби својата надмоќност, кое дело треба да започне во небесното Светилиште?
12. лекција – Објаснување на првиот дел од Даниеловата визија
ПРЕДЛАГАМЕ ДА ПРОЧИТАТЕ: Големата борба, 292-297.
Недела — 12. јуни
1. ДАНИЕЛ СЕ ОБИДУВА ДА ЈА РАЗБЕРЕ ВИЗИЈАТА
а. Што се случило со Даниел пред да може ангелот Гаврил да го заврши објаснувањето на 2300 пророчки денови во врска со пустошењето и газењето на светилиштето од страна на малиот рог? Даниел 8,25-27.
б. Поради што Даниел, по заминувањето на Гаврил, бил мошне загрижен? Кој одговор тој се обидувал да го најде во пророчките списи на Еремија? Која била суштината на неговите молитви? Даниел 9,2.17-19.
в. Што треба да научиме од ставот на Даниел во обраќањето кон Семоќниот со своите молитви? Даниел 9,3-11.
„Чекај во длабока понизност пред Бога. Одлучи од овој момент да Му припаѓаш на Господа извршувајќи ги своите должности, потпирајќи се на големото помирување. Направи така и од ништо не мораш да се плашиш.”
Понеделник — 13. јуни
2. ГАВРИЛ СЕ ВРАЌА ЗА ДА ЈА ОБЈАСНИ ВИЗИЈАТА
а. Како Бог одговорил на Даниеловата покајничка молитва? Даниел 9,20.21.
б. Откако Гаврил објаснил само дел од визијата (Даниел 8,11-14.25.26), со каква цел повторно се вратил? Даниел 9,22.23.
в. Како Гаврил го објаснил првиот дел од визијата за 2300 пророчки дена? Даниел 9,24.
„Во седмото поглавје на Ездра се наоѓа овој декрет (стихови 12-16). Овој декрет, во неговиот завршен облик е издаден од персискиот цар Артаксеркс во 457 година пред нашата ера. Во книгата Ездра е забележано дека домот Господов во Ерусалим бил довршен ‘по наредба’ (декрет) на персиските цареви, Кир, Дариј и Артаксеркс, персискиот цар (Ездра 6,14). Овие три цара со своето издавање, потврдување и надополнување на споменатиот декрет го направиле совршен знак за почетокот на 2300 денови, како што пророштвото и предвидело. Ако 457 година пред Христа кога декретот е надополнет, се земе како време на неговото издавање и стапување во сила, се гледа дека секоја поединост на пророштвото во врска со седумдесетте седмици се исполнила.”
Вторник — 14. јуни
3. КЛУЧ ЗА ИСПОЛНУВАЊЕ НА ПРОРОШТВАТА
а. Како Божјиот гласник ги поделил седумдесетте пророчки седмици во визијата дадена на Даниел? Даниел 9,25.
б. Како ангелот ја објаснил последната пророчка седмица од 490 години одредени за еврејскиот народ? Даниел 9,27 (прв дел).
в. Што се случило во средината на последната пророчка седмица? Даниел 9,27 (среден дел).
Среда — 15. јуни
4. КРАЈОТ НА СЕДУМДЕСЕТТЕ СЕДМИЦИ
а. Што се случило на крајот на последната пророчка седмица? Дела 7,59.60; 8,1-5; 13,46.47; 22,21.
б. По седумдесетте пророчки седмици кои завршиле во 34. година по Христа, што се случило со градот Ерусалим и храмот? Даниел 9,26.27; Матеј 24,15.16.1.2.
в. Каква одговорност Евреите од Христовите денови презеле на себе викајќи: „Крвта Негова нека падне на нас и на нашите деца“ Матеј 27,25.
„Таа ужасно се обистинила при уништувањето на Ерусалим. Ужасно се покажува во состојбата на еврејскиот народ.”
Четврток — 16. јуни
5. НАГРАДА ЗА ИСКРЕНИТЕ ИСТРАЖУВАЧИ
а. Што рекол ангелот Господов за 2300 денови? Даниел 8,26. Како адвентните пионери го утврдиле крајот на 2300 пророчки денови во 1844. година? Каква поука можеме да извлечеме од ова искуство? Второзаконие 4,29; 29,29; Јован 7,17.
„Сите што ја проучуваат Божјата реч со желба Светиот Дух да ги просветли нивните срца, ќе го разберат значењето на Речта. Христос ветил: ‘Оној што сака да ја исполнува Неговата воља, ќе знае дали ова учење е од Бога, или зборувам Сам од себе’ (Јован 7,17). Сите што доаѓаат кај Христа за да се здобијат со појасни сознанија за вистината, ќе ја добијат. Тој ќе им ги открие тајните на небесното царство и овие тајни ќе бидат разбрани од страна на срцето што копнее да ја запознае вистината.”
Петок — 17. јуни
ЛИЧЕН ПРЕГЛЕД НА ПРАШАЊАТА
а. Која била грижата на Даниел опишана во Даниел 8,11-14.25.26? Каде тој се обидувал да најде објаснување за оваа визија?
б. Резимирај го значењето на Даниеловата молитва?
в. Какво објаснување дал Гаврил, Божјиот гласник, за првиот дел од 2300 пророчки денови?
г. Каква била судбината на Ерусалим и храмот набргу по завршувањето на седумдесетте пророчки седмици?
д. Зошто ние можеме да бидеме охрабрени од начинот на кој адвентните пионери откриле дека 2300 пророчки денови на Даниел 8,14 завршуваат во 1844. година?
13. лекција – Христос во Неговото светилиште
ПРЕДЛАГАМЕ ДА ПРОЧИТАТЕ: Големата борба, 45-55.426-437.
Недела — 19. јуни
1. ХРИСТОС, СЛУЖИТЕЛ ВО СВЕТИЛИШТЕТО
а. Која била целта на секојдневното помирување во старозаветните времиња? Левитска 4,13.20.26.31.35. Иако гревовите на народот биле простени во секојдневното помирување, која била целта на годишното помирување? Левитска 16,16.30.33.
б. Кога гревовите акумулирани во светилиштето биле отстранети и ставени врз главата на живиот јарец (кој бил испратен далеку „во ненаселена земја“ Левитска 16,21.22, од страна на човек определен за тоа) што овој човек требало да направи пред да влезе во логорот? Левитска 16,26.
в. Кога луѓето можеле со сигурност да знаат дека се очистени – ослободени од гревовите кои ги признале и кои биле простени во секојдневното помирување? Левитска 16,29.30.33.34.
Понеделник — 20. јуни
2. ПРЕСТОЛОТ НА БЛАГОДАТТА – КАДЕ?
а. Што во земното светилиште служило „на сликата и на сенката на небесните нешта“ (Евреите 8,5). Според тоа, каде се наоѓа нашиот Првосвештеник и што Тој прави за нас? Евреите 9,11.12; 1 Јованово 2,1.2.
б. Каде се наоѓа престолот на благодатта на кој ние сме поканети да дојдеме со нашите молитви? Евреите 4,16; Откровение 8,3.
в. Кога нашите гревови се простени и признаени како одговор на нашите секојдневни молитви (1 Јованово 1,9; Матеј 6,12), дали истите веднаш се избришани? Ако не, каде одат и со каква цел? 1 Тимотеј 5,24.
„Бидете вознемирени и подготвени да ги признаете вашите недостатоци и да ги оставите, за да можат вашите гревови да одат на суд претходно и бидат избришани.”
г. Кое предупредување во врска со нашата должност да се искорени гревот во Црквата, секогаш треба да го имаме на ум? Матеј 13,27-30.
Вторник — 21. јуни
3. НАШИОТ ЕДИНСТВЕН ПОСРЕДНИК
a. На што бил поучуван Божјиот народ од почетокот на светот? Евреите 9,22 (втор дел); Јован 1,29; Откровение 13,8 (втор дел).
„Оние поуки му биле предочувани на Божјиот народ повеќе од иљада години, и биле повторувани во различни симболи и сенки, за да може во секое срце да се втисне вистината дека без пролевање на крв нема простување на гревовите. Големата поука, отелотворена во жртвата на секое заклано животно, втисната во секоја церемонија, воведена од самиот Бог, е дека само преку Христовата крв можат да се простат гревовите.”
б. Кој е нашиот единствен Посредник и Спасител, и со што Тој нé откупил? Јован 14,6; 1 Тимотеј 2,5; Евреите 9,12.
в. Бидејќи пристапот до Него е отворен во светилиштето, кој совет ни се дава? Евреите 10,19-22. Каде Божјиот народ во последно време преку вера треба да влегува – и што можат да видат таму? Откровение 11,1.19.
г. Што друго ќе видат со вера? Даниел 7,9.10. Што тие ќе разберат? Откровение 14,7; Дела 3,19.20.
Среда — 22. јуни
4. НА КРАЈОТ НА СВЕТОТ
а. Кога Христовото дело во небесното светилиште ќе биде разбрано, која измама јасно ќе биде истакната? Даниел 8,13.
„Наводното право на црквата да ги простува гревовите ги наведува католиците да се чувствуваат слободни да грешат; а уредбата на исповедање без кое црквата не дава простување, исто така многу придонесува за злото.”
б. Како можеме да станеме „потполни“ во Христа? Колосјаните 2,10; 4,12.
в. Како Павле се осврнува на чистењето на небесното светилиште „на крајот на светот“, непосредно пред второто Христово доаѓање? Евреите 9,23-28.
Четврток — 23. јуни
5. ПОБЕДАТА СЕ УШТЕ Е МОЖНА!
а. Со оглед на краткотрајноста на времето кое ни преостанува за да бидат избришани нашите гревови, кој треба да биде нашиот најголем и итен приоритет? 2 Коринтјаните 4,5-7; 6,2; Филипјаните 2,5.
„Делото на сатаната е да искушува, а делото на човекот е да се спротивстави и во името и сила на Христос да каже: ‘зашто е напишано: на Господ, твојот Бог, ќе Му се поклонуваш и само Нему да Му служиш’ (Матеј 4,10).” — Знаци на времето, 13. декември, 1899.
„Животот со своите чудесни привилегии и можности, наскоро ќе заврши. Времето за поправање на карактерот ќе помине. Ако нашите гревови не ги покаеме сега, како можат да бидат избришани со крвта на Јагнето, тие ќе останат во небесните книги да сведочат против нас во денот кој доаѓа. Затоа искрено да го преиспитаме својот живот во светлината на Божјо Слово, барајќи да се открие секој недостаток во карактерот, за да можеме да ги измиеме и избелиме своите облеки во крвта на Јагнето.”
Петок — 24. јуни
ПРЕГЛЕД И ПРАШАЊАТА ЗА РАЗМИСЛУВАЊЕ
а. Објаснете ја разликата помеѓу секојдневните и годишните жртви на помирување.
б. Каков пат беше отворен пред нас преку смртта на Христос? Со каква цел, и како, ни влегуваме во небесното светилиште?
в. Каде одат нашите гревови, кои секој ден ги признаваме и добиваме простевање, за да можат да бидат избришани?
г. Врз основа на Евреите 9,23-28, објасни го чистењето на небесното светилиште во времето на крајот, пред Христовото враќање.
д. Кои можности, кои сé уште ни се на располагање, наскоро ќе поминат?
